SPIKA WA BUNGE ANNE MAKINDA KUONGOZA UJUMBE WA TANZANIA KWENYE MKUTANO WA 127 WA JUMUIYA YA UMOJA WA MABUNGE DUNIANI (IPU) NCHINI CANADA.

Mhe. Anna S. Makinda (Mb) Spika wa Bunge la Jamuhuri ya Muungano wa Tanzania anatarajia kuongoza Ujumbe wa Waheshimiwa Wabunge Wanne Kushiriki Mkutano na Jumuiya ya Umoja wa Mabunge Duniani Inter - parliamentary Union (IPU) utakaofanyika mjini Qubec nchini Canada kuanzia tarehe 21 – 26 Oktoba 2012 ikiwa ni sehemu ya kuimarisha diplomasia ya kibunge (Parliamentary Diplomacy).

Ujumbe huo wa Waheshimiwa Wabunge utakaoshiriki Mkutano huo kutoka Tanzania ni pamoja na:

Mhe. Hamad Rashid Mohamed (Mb)
Mhe. Susan L. Lyimo, (Mb)
Mhe. David Kafulila (Mb) na
Mhe. Dkt. Pudenciana kikwembe (Mb)

Agenda kubwa ya Mkutano huu ni kulenga kuendeleza Mahusiano ya Mabunge Duniani katika kuchochea maendeleo ya kiuchumi na kijamii sanjari na demokrasi ya kweli inayohusu mjadala uliopewa jina la Uraia, Utambulisho na Lugha, na Mtambuka wa Kuutamaduni katika Dunia ya Utandawazi (Citizenship, identify and linguistic and culture diversity in a globalized world).

Pamoja na mjadala kuhusu mada hii, Wabunge katika Jumuiya hiyo watajigawa katika kamati mbalimbali kujadili masuala mbalimbali ya kibunge ambayo yamepewa mada zifuatazo:-

Enforcing the Responsibility to protect the Role of Parliament in Safeguarding civilians lives
Fair Trade and innovative financing mechanism for sustainable development
The use of media including social Media to enhance citizen engagement and democracy

Aidha taarifa ya Jumuiya ya Umoja wa Mabunge Dunia (IPU) kuhusu mahusiano yake na umoja wa Mataifa itatolewa kwa washiriki wa Mkutano huo ikifuatiwa na Mijadala mingineyo saba amabayo itakuwa na maada zifuatazo:

Mahusiano ya Nchi na nafasi ya diplomasia ya Kibunge (Multilateralism and the role of Parliamentary Diplomacy)

Mahitaji Makubwa ya Mafuta: Nini Matarajio ya Usalama wa Nishati (Peak Oil: What prospects for energy security

Ujengaji wa amani baada ya Migogoro (Building Peace after Conflict)

kujenga fursa za Vijana katika uchumi wa kitandawazi (Creating Opportunities for youth in today’s global economy)

Kinga za Kibunge: ni kwa manufaa au Mzigo? (Parliamentary immunity: benefit or burden?)

Bunge na sheria za siasa, (Informal Panel: Parliamentary and political law)

Warsha kuhusu nyenzo mpya za kuwezesha kupunguza matumizi ya nguvu za nuclear (Workshop on new tools to promote Nuclear disarmament).

Pamoja na mijadala hiyo ujumbe wa Tanzania Utakutana na Katibu Mkuu wa Jumuiya hiyo Ndg. Anders B. Johnsson na kufanya mazungumzo ya pamoja kufuatia Tanzania kupewa heshima ya kuwa mwenyeji wa kuandaa Semina ya Wabunge wanawake wa Jumuiya hiyo kutoka nchi za Afrika ya mashariki, Afrika ya kati na kusini mwa Afrika.

Semina hiyo itakayofanyika Tanzania itakuwa na mada kuhusu Mwitikio na nmana ya kuzuia ukatili dhidi ya Wanawake: kutoka Utungaji wa Sheria Husika hadi kufika utekelezaji wake (Preventing and Responding to violence against Women: From legislation to effective enforcement) na itafanyika Dar – es- Salaam tarehe 5 – 7 Desemba 2012 ambapo wajumbe zaidi ya 100 kutoka nchi 15 za SADC na Africa Mashariki watashiriki .

Sambamba na Mkutano huo, Makatibu wa Mabunge kutoka nchi wanachama watafanya vikao vitakavyo jadili masuala mbalimbali ya kiutendaji ambapo katibu wa Bunge Dr. Thomas D. Kashililah atawakilishwa na Ndugu Kileo Nyambele Mkurugenizi wa Maktaba na Utafiti wa Bunge.

Ujumbe wa Tanzania unatarajia kurejea nchini tarehe 28 Oktoba, 2012.

Imetolewa na

Idara ya Habari, Elimu kwa umma na Uhusiano wa Kimataifa

Dar es salaam

17 Oktoba, 2012